Ds JD Thom Ned Geref Gemeente Toringkerk Du Toitstraat 7A Paarl 7646 Tel./Fax. (021) 872-4565

Jacobus Daniël Thom was born on 23 November, 1957, at Bedford, Eastern Cape. His father was also a minister of the NG Church and the family moved often. Jaco started school in Strand and then moved to Rietvlei, a mission station near Kokstad in Transkei. He matriculated at Outeniqua High School, George, in 1975 (Dux leerling).
From 1976 to 1982 he studied at Stellenbosch University (BA, BA hons in Greeks BTh, MTh in New Testament and Licentiate in Theology, all cum laude).
After university Jaco spent three years as Army chaplain. 1985: minister at the NG Monument Congregation in Bloemfontein

Jaco was married to Elmien van der Merwe in 1978. She is organist of the NG Toring Church community and a music teacher. They have three daughters: Matildie, Maryke en Elmientjie.

CV: JACOBUS DANIEL THOM (JACO)Kinderdae
Ek is die 3e van 5 kinders (3 seuns en 2 dogters) van Kobus en Mary. My pa is 'n emeritus-predikant van die NG Kerk, die laaste 13 jaar voor sy emeritering Sendingsekretaris van die Wes-Kaapse sinode. In daardie jare het die predikante nog beroepe gekry; dus het ek as kind baie getrek. Ek is op 23 November 1957 in Bedford in die Oos-Kaap gebore, het in die Strand begin skoolgaan, en daarna het ons verhuis na Rietvlei, 'n Transkeise sendingstasie naby Kokstad. Toe het ons na George getrek, waar ek in die Hoërskool Outeniqua gematrikuleer het in 1975 (Dux leerling).

Naskoolse opleiding
Ek het aan die US gestudeer van 1976 tot 1982 en die volgende grade en diplomas verwerf, almal Cum Laude: BA (Admissie), BA (Hons) in Grieks, BTh, MTh in Nuwe Testament, en Lisensiaat in Teologie.
Ek het na my studies vir 2 jaar in die SAW as dienspligkapelaan gewerk, eers by die Kaapse Korps in Faure en daarna in De Brug buite Bloemfontein.

Bediening
Ek is in Februarie 1985 in die NG Gemeente Monument in Bloemfontein georden. Ek het in September 1991 na die NG Gemeente Toringkerk gekom, waar ek tans nog predikant is.

Huwelik & Gesin
Ek is in 1978 getroud met Elmien (gebore Van der Merwe), 'n musiekonderwyseres en orrelis. Sy kom van die Koue Bokkeveld en is 'n broerskind van Boerneef. Ons het drie dogters: Matildie (20), Maryke (15) en Elmientjie (12). Hulle aard gelukkig na hulle ma en is al drie hoogs begaafd en musikaal.

Persoonlik
As ek myself moet beskryf, sou ek sê ek is 'n gesinsmens. Ek hou nie daarvan om weg van die huis en my mense te wees nie. Ek het 'n passie vir die Bybel, en ek skryf veral om mense te help om die Bybel beter kan verstaan.

Skryfwerk
My skryfwerk het begin nadat ek 'n boek van Adriaan Snyman, Die Arkbouer, gelees het. Ek het besef dat ek met my teologiese opleiding 'n groot voorsprong het as dit by die skryf van Bybelse romans kom. My eerste poging was 'n roman oor Abraham se lewe, getiteld Die Vreemdeling. Ek het dit in 1993 voltooi, maar nadat dit deur twee uitgewers afgekeur is, het ek die manuskrip op die rak gebêre en iets anders probeer.
Só is Die Bybelkoerant gebore, 'n Bybelse dagboek waarin ek die Bybelse geskiedenis in koerantvorm oorgeskryf het. Dit is deur Human & Rousseau aanvaar en in April 1996 uitgegee. Daarna het 'n opvolg verskyn, Die Tweede Bybelkoerant (1997). Die Bybelkoerant is intussen in Engels vertaal met die titel The Bible Herald (1998).
Intussen het ek Die Vreemdeling ingeskryf vir CUM en Afrikaans Stereo se skrywerskompetisie (slegs ongepubliseerde manuskripte is vir dié kompetisie oorweeg). Die manuskrip het die eerste prys in die kategorie 'Beste Debuutwerk' verower, en is in Maart 1996 gepubliseer deur CUM, net 'n paar weke voordat Die Bybelkoerant verskyn het.

www.StellenboschWriters.com © Rosemarie Breuer

      Books


Find Afrikana and other books at bidorbuy.co.za