Warm gansdond l ê in
vier wit sydisselsate
langs jou wintershand.
   Sou geen outanterate
   met 'n veerkombers
   voll warm sydisselsaate
   die wit seisoen verpand
   wat mistig oor die jare
   vasgewaai het in jou
   hart en
    in jou hare?

***

Gee my net één dag soos toenterjare,
'n dag vol soetwyn uit Jerusalem,
g'n drome droom - gesigte sien -
'n dag wat van wind en vlamme sing!
Maak van my so 'n nuwe Pinksterling
dat ek die taal waarin ek gebore is,
my eie klank, in elke geelvink en kanarie hoor;
by tortels en by kokkewiet se kind
die ABC van duisend warm woorde vind!

en as die môre breek en babelas is
met winde in die kies
het ek jou lieflik lief

as die middag herfsig uitgevat
bruin skoonlappers oor die wolge gooi
het ek jou liederlik lief

as die skemer skielik haartseer
en mistig om die wimpers raak
het ek jou singend lief

as die vroenag nederig
kuis langs my venster kniel
het ek jou egbrekig lief

as die ure later uitgerus
versigtig my droome een-een dief
wag ek afgetakeld op die môre
het ek jou oneindig lief